Aðeins
um
okkur
Leigufélag aldraðra hses er sjálfseignarstofnun rekin án hagnaðarsjónarmiða.
Félagið var stofnað af Félagi eldri borgara í Reykjavík og nágrennis (FEB) að tilstuðlan Vildarhúsa ehf.
Félagið starfar í samræmi við lög og reglugerð um húsnæðissjálfseignarstofnanir og almennar íbúðir. Það er óháð rekstri eða stjórnun FEB, en skv. skilmálum geta þó einungis félagar í FEB verið leigjendur hjá Leigufélagi aldraðra.
Markmið félagsins er að tryggja sem flestum sem náð hafa 60 ára aldri hentugt húsnæði til leigu. Stofnframlög ríkis og sveitafélags koma beint til lækkunar byggingakostnaðar, sem endurspeglast síðan í leiguverði.
Skilyrði fyrir úthlutun
Úthlutun leiguíbúðar geta þeir einir fengið sem eru félagsmenn í FEB félagi eldri borgara í Reykjavík og nágrenni, eða í öðru félagi eldri borgara þar sem Leigufélagið er með íbúðir til leigu. Þá skulu þeir vera aðilar að Leigufélagi aldraðra og uppfylla að öðru leyti skilgreind tekju- og eignamörk samkv. lögum.
Til þess að geta sótt um íbúð þarf umsækjandi að vera með staðfesta skráningu hjá Leigufélagi aldraðra. Í hvert sinn sem íbúðir eru lausar til umsóknar sendir Leigufélagið póst til aðila sem hafa skráð sig með nánari upplýsingum. Ef leigjandi hefur áhuga á tiltekinni staðsetningu þarf að senda inn umsókn.
Tekjumörk á ári (síðast breytt mars 2023)
7.696.000 kr
Fyrir hvern einstakling
10.775.000 kr
Fyrir hjón og sambúðarfólk
1.924.000 kr
Fyrir hvert barn eða ungmenni að 20 ára aldri sem býr á heimilinu
Eignir
8.307.000 kr
Hrein heildareign heimilisins má ekki vera hærri en upphæðin sem tekin er fram hér fyrir ofan.
Greiðslubyrði
25 – 30%
Greiðslubyrði leigu skal að jafnaði ekki vera umfram 25 – 30% af heildartekjum leigutaka að teknu tilliti til húsnæðisbóta, barnabóta og meðlags.
Nýjustu fréttirnar
Vatnsholt 1 og 3
Lokið er byggingu Leigufélags aldraðra hses á 51 íbúð á s.k. Stýrimannaskólareit við Vatnsholt 1 og 3 í Reykjavík. Nú hafa allar þessar íbúðir verið leigðar út. Það er einróma álit kunnugra að vel hafi tekist til við hönnun og byggingu húsanna. Íbúðirnar þykja þægilegar, öllu er haganlega fyrir komið og nýting rýma góð. Við óskum íbúum til hamingju og vonum að þeim eigi eftir að líða vel við Vatnsholtið.
Dalbraut 6, Akranesi
Nú er bygging LA á Akranesi komin vel á veg og gert er ráð fyrir að íbúðir þar verði afhentar leigjendum í febrúar 2024. Úthlutarferli hefst á næstu vikum. Tilkynnt verður um það þegar nær dregur.
Eftirfarandi tilkynning var send aðilum að Leigufélagi aldraðra hses. 5. janúar 2023
Heil og sæl og gleðilegt ár. Vegna veðurs að undanförnu, frosts og snjókyngi verður því miður ekki hægt að afhenda íbúðir við Vatnsholt 3 í febrúar 2023 eins og fyrirhugað var. Ástæðan er sú að ekki tókst að steypa undirstöður fyrir sorpgeymslu og hjólaskýli vegna...
Leiguíbúðir
Vatnsholt 1 – 3
Við Vatnsholt 1 – 3, í grennd við Stýrimannaskólann í Reykjavík, eru á vegum félagsins í smíðum 51 íbúð í tveimur þriggja hæða húsum. Um er að ræða 18 tveggja herbergja íbúðir og 33 þriggja herbergja íbúðir. Lyftur eru í húsunum og þægilegt aðgengi. Gert er ráð fyrir að fyrstu íbúðirnar verði leigðar út skv. reglum þar um á síðari helmingi ársins 2022.
Dalbraut 6
Við Dalbraut 6 á Akranesi, eru á vegum félagsins í smíðum 31 íbúð. Um er að ræða 22 tveggja herbergja íbúðir og 9 þriggja herbergja íbúðir. Bílakjallari og lyfta er í húsinu og þægilegt aðgengi. Gert er ráð fyrir að fyrstu íbúðirnar verði leigðar út skv. reglum þar um á síðari helmingi ársins 2022.
